南亞1964 (已結業)

星期六的午飯例牌都是下午茶時間，奈何UCC迫爆勁多人，想找個休閑一點的地方坐坐鬆一鬆都難。見隔籬南亞恁少人，今次就免為其難再來訪。兩個人點了兩款下午茶：1)蝦仔叻沙上回友人也點過叻沙，評語都說不太好，但啎想食小食，要點湯粉麵飯的，揀得落手只有這款。講到明係蝦仔，非常老實，蝦仔來說不算細粒，但蝦味欠奉。南亞的叻沙用米線底，沒有特別。最差係湯底，還以為自己在食蝦仔咖喱湯米！湯稀之餘不見得有心做，味道單一─就是咖喱味，重要淡的，死未！2)焗肉醬意粉用普通碟上的，不見得有幾分焗過。完完全全係茶餐廳做法，意粉發得好粗，雖未至腍，但已經啎會好食，肉醬吧‧‧‧還可下嚥的。兩款茶餐都不行，不如齋賣海南雞飯算吧！重打正南亞旗號，叻沙都做不好，不配用這個名。怪不得這邊廂冷冷清清，那邊廂(UCC)人頭擁擁。以前地方菜館不多，物離鄉貴，所以南亞受追捧，日賣幾百碗海南雞。時代不同，飲食的選擇多了，食客要求又高了，原地踏步的餐廳註定沒落。