功德林上海素食 (世貿中心) (已結業)

聲明: 本人食葷, 仲要係好鐘意煎炸, 所以有感功德林味道太淡. 餸顏色亦難引起食慾。幫襯過不少素菜館, 食肉/葷獸當然最愛七彩齋 (即齋雞, 齋鵝, 齊叉燒), 但功德林餐牌是沒有的。五福臨門拼盤 (小$188, 大$298)此拼盤先到, 一上枱, 好靚, 段古以後既餸都七采繽紛, 點知原來係成餐飯最 "有味道" 既一個餸 。粉皮做得好, 一條一條, 無黏住一PAT嘢 。青瓜添加青新感 。芝麻豆漿 (熱)可以見到杯底 "芝麻", 用料 "應該" 十足。但只有芝麻味, 完味無豆味。糖醋松子黃魚 ($98)賣相有啲一般, 唔似其他菜館, 成條魚啤出來。兩隻大冬菇亦無乜味。冬菜炒年糕上到枱, 無乜顏色, 亦難引起食慾。素菜餃同素菜包, 味道亦好淡。