肉骨皇 (已結業)

週日嚟到大坑呢一個地方，感覺總比其他地方嚟得特別，同樣都係港島區，但成個大坑就似係一個有旅行feel嘅地方， 😎周圍嘅餐廳食肆都主打悠遊輕鬆感覺， 喺呢一度嘅時間頓時就慢咗落嚟。 成條浣紗街都佈滿大大小小嘅店舖，除咗有越南菜西餐呢一類常見嘅餐廳之外仲有肉骨王呢一間馬來西亞兼新加坡餐廳。🍴嚟到呢一度當然就係必試肉骨茶， 🍲冬天飲絕對係暖身特別有幫助，就算夏天飲都可以有清潤解渴潤喉潤肺功用。肉骨茶裏面就會混合中藥枸杞、黨參同香料包括甘草、羅漢果，令到個味更加鮮同埋更加甜， 😋至於肉就係用瘦肉，但長時間嘅慢火煮就已經做到非常淋身，肉骨茶通常撈白飯或蘸湯來吃。🍚仲會點醬油蒜蓉一齊調味，食落去就更加豐滿🥣洋蔥油酥餅—— 呢一味嘅菜式就似印度，😋喺酥餅裏面再包住大量嘅洋蔥碎， 咁就唔會剩係得油酥餅嘅牛油味，增加左洋蔥就可以大大降低油膩感，🧅仲可以為下一啖提供清新嘅作用，當然唔少得旁邊嘅咖喱汁，酥餅同咖喱絕對係必不可少嘅配搭。🍛肉骨皇 (大坑)大坑浣紗街45號浣紗花園地下1號舖