春水堂 (美麗華廣場1期) (已結業)

嗌左滷排骨便當，成個便當上到嚟見到排骨係冇切開，便當有4分之3都係蔬菜。賣相唔錯，但係味道真係一般，基本全部蔬菜都係淡而無味。本身白飯就已經冇味，估唔到蔬菜好似烚完就搬上枱咁，成個便當得滷排骨係有味，同食得落口。蔬菜有西蘭花、小棠菜、椰菜花、醃白蘿蔔、一粒小蕃茄，有半粒滷水蛋，一塊冇切過嘅滷排骨，同白飯。成個餐真係超級無味，覺得啲蔬菜好似隨便烚完就拎上嚟，加啲鹽同胡椒粉就上枱。以為自己食緊健康餐，唔係食緊台菜。