影片
更多
2022-04-07
260 瀏覽
📌 雲家小鍋米線
📍 荃灣沙咀道328號328廣場地下G01舖（鹹田街聖方濟中學對面）☎️ 24395767*☼*―――*☼*―――*☼*―――*☼*―――*☼*荃灣有好幾間米線店，其中雲家都可以話係數一數二。成日都會喺米線關注組見到人讚。之前佢哋停咗堂食，依家開番，我就搵時間過黎試下。💫雲家米線（$5️⃣8️⃣）呢款勁多餸！腐竹、雞絲、冬菇、雞翼、魚春卷、螺旋草、腸仔、韭菜、芽菜、酸菜、芫荽、蔥。樣樣都啱我食又唔洗諗。啱晒有重度選擇困難症嘅我。咁多餸都只係$58，仲要分量勁多勁大碗。個presentation 都好用心，排到靚靚整整齊齊。張相我係照實物出，絕對無自己執過啲餸！湯底唔咸，酸辣好平衡，無偏重一邊。幼身米線夾起好動L，入口彈牙剛剛好，腍度適中；冬菇有成三舊仲要好厚身；魚春卷好彈牙；豉油雞翼肉質結實，醃得夠入味；雞絲好幼細，吸晒湯嘅精華好好味；螺旋草口感像海草，好細嫩好爽口；仲有大量配菜，每一啖都有餸，非常豐富大滿足！💫涼拌墨魚頭（$4️⃣3️⃣）菜單上呢款小食係店家自信到印有手指公👍🏻，同埋見隔離兩枱都有叫，咁梗係唔好錯過跟隊嗌啦！依？ 真係好食喎，我覺得稱得上必食之選。墨魚食落口感滑得黎好
☎️ 24395767
*☼*―――*☼*―――*☼*―――*☼*―――*☼*
荃灣有好幾間米線店，其中雲家都可以話係數一數二。成日都會喺米線關注組見到人讚。之前佢哋停咗堂食，依家開番，我就搵時間過黎試下。
💫雲家米線（$5️⃣8️⃣）
呢款勁多餸！腐竹、雞絲、冬菇、雞翼、魚春卷、螺旋草、腸仔、韭菜、芽菜、酸菜、芫荽、蔥。樣樣都啱我食又唔洗諗。啱晒有重度選擇困難症嘅我。咁多餸都只係$58，仲要分量勁多勁大碗。個presentation 都好用心，排到靚靚整整齊齊。張相我係照實物出，絕對無自己執過啲餸！
湯底唔咸，酸辣好平衡，無偏重一邊。幼身米線夾起好動L，入口彈牙剛剛好，腍度適中；冬菇有成三舊仲要好厚身；魚春卷好彈牙；豉油雞翼肉質結實，醃得夠入味；雞絲好幼細，吸晒湯嘅精華好好味；螺旋草口感像海草，好細嫩好爽口；仲有大量配菜，每一啖都有餸，非常豐富大滿足！
雲家米線
$58
85 瀏覽
0 讚好
0 留言
💫涼拌墨魚頭（$4️⃣3️⃣）
菜單上呢款小食係店家自信到印有手指公👍🏻，同埋見隔離兩枱都有叫，咁梗係唔好錯過跟隊嗌啦！依？ 真係好食喎，我覺得稱得上必食之選。墨魚食落口感滑得黎好爽脆彈牙，伴咗脆脆嘅蒜蓉同醬汁，辣辣地，另有酸汁，點埋一齊食好惹味。真係勁推薦呢款小食！
涼伴墨魚頭
28 瀏覽
0 讚好
0 留言
💫蒜泥白肉（$3️⃣9️⃣）
白肉切到好薄身，肥瘦勻稱，碟底辣油，白肉置中間，上層再舖滿非常香濃嘅蒜蓉同醬汁，好重口味好滿足。$39一碟超多塊，勁抵食！
蒜泥白肉
26 瀏覽
0 讚好
0 留言
知道雲家個豬頸肉都有手指公👍🏻，可惜果日賣晒喇。有機會一定會再去encore 同埋食豬頸肉！
整體好食指數：🌕🌕🌕🌕🌕🌕🌕🌕🌑🌑（8/10)
*☼*―――*☼*―――*☼*―――*☼*―――*☼*
張貼
