LAB EAT Restaurant & Bar (金巴利道)

營業中

休息中

呢間野係朋友介紹俾我，佢講到好好食咁，但係我就真心覺得好一般，而且性價比唔高。我哋一共六個女仔，然後食咗二千幾蚊。首先個芝士都切落嚟唔夠10分鐘就凍曬，跟住就乾晒，之後就好似變咗成塊芝士要自己切開咁。然後就係個海膽蒜蓉多士，我真係食唔出有乜嘢特別，可能我真係唔識欣賞。然後就係特色卡邦尼扁意粉，我真係接受唔到有隻全生嘅雞蛋係上面，而且啲味道都好奇怪。同埋最後叫咗個甜品，分子料理嗰個甜品，我真係覺得自己識咗個寂寞。最後想講嘅係，食完呢間野我都唔知自己食咗啲乜嘢，因為冇一樣野係有記憶點，得個好睇，影相就好睇，好唔好食就因人而異啦。