相撲手日式放題 (已結業)

今餐係同屋企人食既生日飯~ 因為有人極力推介呢度既刺身好新鮮，所以就算啱啱先食完茶木無幾耐，都要過黎食6點鐘戈場~呢度環境闊落，唔會好似其他放題咁逼逼狹狹! 甫坐低已經不停咁劃劃劃，刺身好快就送上，最吸睛當然係主打相撲手甜蝦! 隻隻都好大隻且十分鮮甜，肉質超爽! 我地一盤都唔夠要再encore!  而帶子雖然係一隻開兩片，但絕無雪味，仲好新鮮! 三文魚亦非常肥美，不過多食就會覺得膩~仲有北寄貝、赤貝、螺片都十分新鮮!而海膽手卷...可以留返個quota唔食，海膽係無味既~燒菠蘿燒得唔夠耐，無燶燶地既感覺，只係一片塗上燒汁既菠蘿，比較失望! 燒蕃薯不過不失~其他熟食無咩特別，不過值得一提既係燒羊架，肉質嫩而且稔，味道剛剛好唔好過鹹~good!! 今晚仲有師傅表演劏吞拿魚，可以排隊出去攞，因我地全部人都唔鍾意食吞拿魚，所以無謂出去攞lu~另外，雖然訂位戈陣講左係生日，但無check到身份証就以為無野送，點知突然之間熄哂燈以為停電 (好少放題係咁)，有侍應送上一舊蛋糕狀既物體插上蠟燭，仲有人帶頭唱生日歌，非常驚喜! 好彩除左我之外仲有另一枱客都係慶祝生日，如果唔係我就好觸目架喇~ 而開返燈之