喜喜雞煲

營業中

休息中

因搭車經過見到深井新開雞煲，所以星期六同三個朋友去試下，可能因為星期六所以都好多人，嗰到有十幾張枱，我哋七點幾到，要等位，不過等咗十分鐘左右就有位。應該訂枱好D。第一時間叫咗個雞煲中辣，因為話要等十幾廿分鐘，所以叫咗兩個小食，炸雞軟骨。食咗啖炸雞軟骨，好脆，嗱嗱聲叫啤酒！雞煲D雞幾嫩滑，而且雞味難得地冇比辣味搶走，仲食到些許香料味道。入面有洋蔥，唔like，挑晒出黎先，我最鍾意入面有勁多莞茜，好香。仲叫咗個蝦膠釀油炸鬼，可以即食又可以落煲烚一烚，不過烚就正啲，脆脆哋又有湯汁。 食物味道幾好，但真係地方迫D。