尼斯餐廳 (已結業)

食過甜品未夠喉又不想回家。我原本想食中式菜，因為而家既天氣令我想食D清淡野，於是就話去正街新開既舖頭。不過行到去既時候，朋友仔話想食西餐，最後選擇呢度。我唔想食肉，所以揀左個算係最清既忌廉帶子意粉set dinner($49)朋友仔要阿根廷西冷set dinner($60)。湯要一紅一白，兩者都是熱呼呼自家製，羅宋湯剛入口時有點辣，但辣味竟然慢慢地清失，而且湯渣幾好味。忌廉湯稀但夠味。至於跟湯蒜蓉包很好味。忌廉帶子意粉幾清新有三色椒蘆筍帶子，可惜帶子是直徑只有8mm的mini size，到喉不到頸。阿根廷西冷要五成，出到來剛剛好，很軟熟。最後要凍鴛鴦和凍檸茶，檸茶普通，鴛鴦好味。甜品要了布甸同雪糕，布甸不值一試，雪糕是有朱力碎既朱力味，好好味，用鐵碗仔載住，夠懷舊。環境幾清優，不過有幾隻擾人既蚊滋仔飛黎飛去。另外，侍應也一樣，不停地係身邊行黎行去，令我覺得自己好似電視劇集中既囚犯，同朋友見面時有個警察企係側邊。所以我相信繁忙時間會好一點，因為d侍應一定唔會咁他條行行企企。題外話，title改成咁係因為讀小學果陣日日經過呢度都唔覺有人，而門口又用黑'蚊蚊'既玻璃，永遠唔知入面係點。