福丸水產 鉄板燒 日本料理 (已結業)

唔一定要晚餐先有好野食，其實宵夜都可以食得好精彩，呢間餐廳真的好正，宵夜都可以食到超新鮮既食物，絕不花假，……大力推介下原隻海膽，平時食海膽都係整好晒，一板板咁叫，但呢間係原隻即開即食，超級新鮮，真係筆墨都難以形容既鮮味香滑，另外燒物叫左個即開飽魚，又係好新鮮，飽魚仲郁緊，不斷轉動，好新鮮，所以食落好有口感鮮甜，另外仲必食既蚧膏，叫左個海膽松菜蚧膏，呢個又係頂呱呱，本身蚧膏已經好香滑，加埋奄春蛋，海膽一齊係爐上面煮，簡直香噴噴之餘，食落係極品，加在燒好既多士上面伴食，香脆可口軟滑鮮甜香味同一時間放晒入口裡面。仲有壽司亦非一般的做法，會用赤醋溝入飯當中，食落唔會咁易散仲有小小咸味，不用點醬汁，已經好好味。整體所食既食物都好新鮮好正。