燒烤堂 (已搬遷) 新店位置

入夜一試燒烤食堂，餐廳以木裝修為主，實行簡約風格。牆上掛上日式畫作，並以酒樽裝飾，天花吊起紙燈籠，簡約而不失格調。鹽燒赤雞頸肉肉質鮮嫩，無雪藏味，鹽味冇過濃。惹味手切雞腎雞腎彈牙，唔會過厚，十分惹味。牛油蜜糖日本番薯條日本番薯條比較硬身，帶有濃濃薯味，配上最邪惡嘅牛油同蜜糖，食到停唔到手。黑豚肉韭菜花卷& 鹽燒牛舌腩用爽口韭菜包住幼嫩嘅黑豚肉，灑上孜然作吊味，鐘意辣嘅要試。牛舌腩較厚，爽口但唔唔會煙韌，只用小小鹽就可以入口而又充滿牛之味。蕉糖青蘋果鵝肝多士& 日本一口甜薯鵝肝香煎到焦黃，令內部保留香滑嘅口感，務求令到入口即溶。 配上香脆多士同清脆爽口嘅焦糖青蘋果，入口係三重享受。日本甜薯唔使另外配料已經食到本身嘅甜味同薯味， 絕無添加劑。