深宵食堂 (已結業)

晚上係九龍公園游完水之後，又要過兩小時先可以食野都差唔多算係宵夜，剛好尖沙咀有間深宵食堂，咁貼題就去試一試佢。店內掛有深宵推介講比客人聽當日較好既食品。芝麻雞翼 ($48) : 望到雞翼炸到金黃色排得好整齊咁上檯，再加上好香芝麻香味，順手影張相就立刻開動。外皮炸得剛剛好脆身得黎唔算油膩，肉質十分嫩滑。煙肉荔枝卷 ($38) : 店員推薦食品，我地見組合幾特別就叫黎試下。荔枝肉好鮮甜，煙肉唔油不過有少少乾身，兩者組合荔枝鮮甜多汁補償返煙肉乾身，味道仲好夾 日式炒野菜 ($48) : 食左D炸物串燒梗係要食返D菜平行下。什菜炒得唔算乾身，幾鮮甜不過食到最底有少少咸。深宵薄餅 ($88) : 日式薄餅我一直都好鍾意食，依個深宵薄餅有少少特別因為佢係薄餅加左炒面，可以一次過食到薄餅既淋同炒面既脆，一次過滿足你兩種口感。薄餅味道有D似章魚小丸子，一個都幾大個可以分俾3~4個人食。芝士蚧肉玉子 ($68) : 上檯時如果唔係有茄汁，仲以為係榴槤班戟 。切開立刻有好多芝士流出黎，玉子都係半熟形態，真係見到都口水流。食落芝士味相當濃&蛋十分滑，中間夾雜蟹肉味相~當~好~味。。。佢份量都唔細不過我相