強記美食 (已搬遷) 新店位置

睇完舞台劇有啲肚餓，想食少少嘢，諗起強記喺附近，於是行過去搵食。呢晚依舊好多人幫襯，本來想堂食，但我唔想坐喺後巷，於是決定買外賣企喺度食，買外賣嘅人都好多，等咗差唔多10分鐘，好彩買到最後一份，唔係又要再等佢煎。之前食過煎蝦米腸粉念念不忘，所以今次都叫咗1份，腸粉外皮煎得香脆，食到腸粉有米味，而且好滑，正! 但蝦米比起以前就好似少咗，食幾嚿先有1粒蝦米仔，少咗陣蝦米香味，但係下次經過都會再 encore 佢嘅煎腸粉。