深宵食堂 (已結業)

星期一嘅晚上, 雖然係打工仔一週工作嘅開始, 好多人都會係Blue Monday, 但係食一餐好, 可以即刻抹去藍調, 帶黎繽紛嘅色彩。同朋友去到尖沙咀美食街, 厚福街樓上嘅深宵食堂。之前都有聽閒過呢間餐廳, 今次終於可以黎到品嚐。炎炎夏日, 分別先要一杯茘枝同埋青蘋果梳打, 兩者味道都清爽解渴, 味道天然, 亦唔會過甜, 十分不俗!然後試左個芥末八爪魚同埋軟殼蟹沙律。前者八爪魚切得夠細, 相當有咬口, 而且味道帶點日本芥末味, 非常有滋味; 而軟殼蟹沙律有車厘茄、沙律菜, 感覺清新, 軟殼蟹炸得金黃香脆, 最後加上蟹籽以及沙律醬, 感覺極為豐富!接著係食炸物嘅時間: 芝麻雞翼, 炸得亳不油膩, 皮脆肉嫩, 充滿肉汁, 值得推介! 而吉列廣島蠔同樣出色, 脆皮香脆, 廣島蠔新鮮肥美, 即使經過蘇炸之後, 仍然保持鮮味。一口牛賣相相當吸引, 一串一串的插在薯仔上, 火喉燒得剛剛好, 保持嫩滑嘅感覺, 因此保存著不少肉汁, 高質素示範!日式煎餃子, 餃子皮非常薄, 餃內包著雞軟骨, 食嘅時候口感非常特別!汁燒帆立貝, 粒粒份量都唔細, 肥美非常, 厚身嘅帆立貝, 鮮甜無比, 多叫兩串亦不過