炯記手撕雞 (汝州街) (已結業)

深水埗炯記 今日同媽咪去深水埗行街👭💞。見到網上極力推薦炯記，於是就自己親身試下😘😘。食物方面種類有很多，基本上燒味，豬手，手撕雞較為有名。而其實店內都有二人餐，樣樣有啲。不過媽咪會想食多啲小食，所以我哋今次揀咗單點。首先試咗燒味雙拼撈粗，選擇咗叉燒同燒鵝，價錢公道，加少少錢仲食到燒鵝髀🤩🤩🤩大大隻，好抵食。叉燒肥瘦勻稱，啖啖肉，食完都唔會好大罪惡感。跟住叫咗個炯記三皇盤，即係有鳳爪，雲耳，同埋雞腎。樣樣有啲，好高質。而三樣小食都係涼拌菜，惹味得嚟又唔會食到個人熱辣辣😝十分開胃，搞到我地都愈食愈多嘢～而豬手好香好入味，嗌咗兩大舊，一人一舊。豬手嘅醬汁十分惹味，而且豬手好淋，就算老人家慢慢食都可以，亦都比起坊間豬手大舊。另一道都係佢哋招牌菜，手撕雞。選擇困難症下揀咗鴛鴦口味，即係有辣有唔辣，仼君選擇。我哋年輕人應該會中意辣味手撕雞，感覺上較惹味好食，辣度啱啱好。但媽媽會較中意唔辣，因為有雞肉的鹹香味，唔會太辣太辛苦。最後一道係鵝油生菜，一上枱油花好靚，沒有多餘調味，但作為食完一大輪食物想清清口味嘅青菜，我地食到生菜本身的原味道，所以都讚好👍。