影片
更多
2018-03-05
246 瀏覽
呢間餐廳平日午飯同晚飯時間都會大排長龍，所以我同同事就好奇想睇下呢間餐廳到底有幾巴閉！當日我地午飯時間去，大約等左30分鐘先有位。鋪頭唔算大，全部食客都要搭枱，但係座位唔算太逼，都坐得舒服~我地叫左兩款肉骨茶，配料分別係一字骨同豬腳彎，另外仲叫左招牌老鼠粉、馬拉咖喱雞肉撈麵、仁噹牛肉乾撈麵同埋咖央多士。肉骨茶飲落有鮮甜肉香，藥材味唔算太重，一字骨同豬腳彎入味得嚟又唔會好似平時煲完湯啲肉咁老，肉質仍然保持嫩滑。重點係肉骨茶係免費添飲，所以鍾意肉骨茶嘅朋友一定唔可以錯過！老鼠粉其實即係銀針粉，上面鋪咗肉碎同香腸，食落鹹香惹味。兩款撈麵都用咗油麵，麵質比一般油麵硬身、有咬口。馬拉咖喱雞食落幾香又唔會太辣，仁噹牛肉食落似濃味版咖喱，好香口，超好味，但係味道偏辣。另外值得一讚嘅係咖央多士！多士好鬆脆，咖央醬嘅椰子味好濃，牛油分量剛剛好，食到有牛油香但係又唔會咬到一大舊牛油搞到成口肥淋淋。總括嚟講，呢間餐廳嘅食物味道真係唔錯，而且價錢又唔貴，CP值極高呀！唔怪得成日都大排長龍啦~
當日我地午飯時間去，大約等左30分鐘先有位。鋪頭唔算大，全部食客都要搭枱，但係座位唔算太逼，都坐得舒服~
我地叫左兩款肉骨茶，配料分別係一字骨同豬腳彎，另外仲叫左招牌老鼠粉、馬拉咖喱雞肉撈麵、仁噹牛肉乾撈麵同埋咖央多士。肉骨茶飲落有鮮甜肉香，藥材味唔算太重，一字骨同豬腳彎入味得嚟又唔會好似平時煲完湯啲肉咁老，肉質仍然保持嫩滑。重點係肉骨茶係免費添飲，所以鍾意肉骨茶嘅朋友一定唔可以錯過！老鼠粉其實即係銀針粉，上面鋪咗肉碎同香腸，食落鹹香惹味。兩款撈麵都用咗油麵，麵質比一般油麵硬身、有咬口。馬拉咖喱雞食落幾香又唔會太辣，仁噹牛肉食落似濃味版咖喱，好香口，超好味，但係味道偏辣。
另外值得一讚嘅係咖央多士！多士好鬆脆，咖央醬嘅椰子味好濃，牛油分量剛剛好，食到有牛油香但係又唔會咬到一大舊牛油搞到成口肥淋淋。
總括嚟講，呢間餐廳嘅食物味道真係唔錯，而且價錢又唔貴，CP值極高呀！唔怪得成日都大排長龍啦~
張貼
