影片
更多
2023-01-08
10 瀏覽
夢王•卡邦尼意粉($128)🧀🍝🍳呢個卡邦尼意粉係呢間Cafe嘅其中一個主打招牌菜式，食完就知點解佢係招牌👍🏻首先想點已經覺得好吸睛，因為有粒邪惡圓轆轆蛋黃喺中間，仲有滿滿嘅芝士碎塊😍將蛋黃同芝士醬汁均勻撈埋之後，每啖都食到濃郁蛋香同芝士味，好濃味好邪惡😈另外呢個卡邦尼意粉所用嘅煙肉同出面一般食到嘅唔一樣，佢係用咗厚切嘅煙腩肉，開頭以為佢厚切可能會好鹹，但食落鹹味好適中！！！食晒咁多舊都唔會有覺得好鹹嘅感覺，整體來講都幾好食，值得推介👍🏻蟹肉蛋白沙律牛角包($98)🥐🦀一想碟見到咁大個牛角包，青瓜上面仲要鋪滿好多蟹肉蛋白沙律，沙律中間仲要夾雜住啲蟹粰，真係好吸引~ 整體來講，蟹味非常之濃，食埋旁邊柚子醋沙律，中和返蟹嘅濃味，變得清新開胃。焦糖香蕉烤棉花糖牛角包窩夫配雪糕 ($88) 🧇🍌🍨食完好濃味嘅主菜之後，用呢個甜品收尾真係非常滿足🥹首先焦糖香蕉一向都係我嘅至愛，佢係原條切開再用焦糖燒，咬落外面一層薄脆焦甜，然後加埋朱古力醬的甜蕉香😍另一個重點係牛角包窩夫上面有好邪惡嘅棉花糖，棉花糖中間溶溶地，加埋脆脆嘅牛角包窩夫&朱古力雪糕，食到停唔到口🤭店舖設計加入左深水埗布街嘅元素，另外仲加
3 瀏覽
0 讚好
0 留言
夢王•卡邦尼意粉($128)🧀🍝🍳
呢個卡邦尼意粉係呢間Cafe嘅其中一個主打招牌菜式，食完就知點解佢係招牌👍🏻首先想點已經覺得好吸睛，因為有粒邪惡圓轆轆蛋黃喺中間，仲有滿滿嘅芝士碎塊😍將蛋黃同芝士醬汁均勻撈埋之後，每啖都食到濃郁蛋香同芝士味，好濃味好邪惡😈另外呢個卡邦尼意粉所用嘅煙肉同出面一般食到嘅唔一樣，佢係用咗厚切嘅煙腩肉，開頭以為佢厚切可能會好鹹，但食落鹹味好適中！！！食晒咁多舊都唔會有覺得好鹹嘅感覺，整體來講都幾好食，值得推介👍🏻
蟹肉蛋白沙律牛角包($98)🥐🦀
一想碟見到咁大個牛角包，青瓜上面仲要鋪滿好多蟹肉蛋白沙律，沙律中間仲要夾雜住啲蟹粰，真係好吸引~ 整體來講，蟹味非常之濃，食埋旁邊柚子醋沙律，中和返蟹嘅濃味，變得清新開胃。
焦糖香蕉烤棉花糖牛角包窩夫配雪糕 ($88) 🧇🍌🍨
食完好濃味嘅主菜之後，用呢個甜品收尾真係非常滿足🥹首先焦糖香蕉一向都係我嘅至愛，佢係原條切開再用焦糖燒，咬落外面一層薄脆焦甜，然後加埋朱古力醬的甜蕉香😍另一個重點係牛角包窩夫上面有好邪惡嘅棉花糖，棉花糖中間溶溶地，加埋脆脆嘅牛角包窩夫&朱古力雪糕，食到停唔到口🤭
店舖設計加入左深水埗布街嘅元素，另外仲加埋淺木色嘅設計，真係好有一種舒服嘅感覺，而且店內亦有好多打卡位，例如一條條唔同顏色嘅布掛喺店裏面，啱晒鍾意打卡嘅你哋✨
張貼
