佳芳廚房 (已搬遷) 新店位置

喺深水埗唔想食茶餐廳，又想食返啲住食飯，可以嚟試下佳芳廚房虎乳菌野生靈芝湯$58每日都有唔同嘅老火湯，見佢個靈芝湯寫住止咳化痰，就試下佢。非常足料嘅老火湯，飲得出無味精。老闆娘(未經證實)見我飲緊，就即刻show off佢啲野生靈芝，係真材實粒🤣雲耳馬蹄鮮肉餃(8隻) $52包得好靚仔，隻隻都好飽滿 ，咬落去皮薄餡料多，加咗馬蹄喺入邊，口感豐富咗好多，再點少少醋同辣椒醬，好食皇帝粥$48碗粥雖然唔係話好大碗，但係佢又係超級足料，有蠔豉，皮蛋，豬肉，粥水入晒味，啖啖料。