鳥海山鐵板燒

營業中

休息中

人氣之選既鳥海山鐵板餐二人前，共有9道菜，非常豐富。是日精選刺身：店員建議我哋由味道淡到濃咁食，九繪魚、石鯛、金線鯛、油甘魚，肥美新鮮，魚油滿溢。沙律：沙律菜和蕃茄仔新鮮爽脆，配上日式芝麻醬，酸酸甜甜，好開胃。活龍蝦：師傅先將原隻龍蝦拆左肉，再將蝦頭裡面既蝦膏加上牛油製作成醬汁，與蝦身一起爆炒，龍蝦肉質鮮甜爽口。活鮑魚：師傅將鮑魚切成細片，一啖一口，Q彈有嚼勁。鵝肝多士：鵝肝煎到外脆內嫩，入口即溶，油脂慢慢在口腔內散發出來，令人陶醉。牛肉薄燒：將牛肉捲住蒜片和蔥粒，肉味香濃，軟腍多汁，回味無窮。炒飯：飯炒得乾身，粒粒分明，香氣四溢。野菜：加左炸蒜一齊炒，十分惹味。味增湯：湯入面有豆腐粒和海帶，加倍滋味。