德豐打冷粉麵餐廳

營業中

休息中

今日又係喺深水埗上堂，終於等到放飯，約埋一班朋友一齊出去食餐晏晝先。點知傷心酸辣粉竟然未開添，唯有去隔離間茶餐廳食啦。間嘢門面都幾大間下喎。叫嘢食先，因為我哋人太多，所以我哋分咗兩枱食。我叫咗個午市F餐，凍奶茶。同我同枱兩個frd都叫咗燒味飯食。我哋每個人都附送一碗老火湯。今日係佛手瓜豬骨湯，睇嚟係每日都會唔同。F餐係焗葡汁雞扒火腿飯，我個餐係咁多個人入面最遲送到嘅，應該係仲焗緊啫…出到嚟個飯賣相唔錯，味道都好正，葡汁同雞扒非常之高質，幾嫩口。成個飯雖啖啖都好熱好辣口，但係好食嘅程度都抵返晒。