天下茶屋 (福榮街)

營業中

休息中

放工行過深水埗福榮街，就同朋友係附近食晚餐，最後揀咗天下茶屋。見餐牌上嘅食物樣樣都好吸引，而且價錢都好平，所以吸引咗我同朋友入去。餐廳環境衛生，燈光光猛，感覺乾乾淨淨。而且座位都幾闊落。我地每人都叫咗嗰主食同小食，我叫咗嗰燒咖哩芝士牛肉飯。哇！估唔到58蚊有咁大碟焗飯。咖哩汁好濃，色澤也好看。牛係肥牛，肥牛配咖哩，香氣十足。肥牛都好多，而且都幾厚身，食極都有。芝士係落重本，成個飯都差唔多鋪滿芝士，仲可以拉到絲。另外朋友叫咗火焰帆立貝湯烏冬配明太子黑松露湯底。湯底好濃郁，有淡淡的黑松露味，帆立貝爽口有鮮味！湯做到掛烏冬嘅感覺，好夠味。烏冬煮得彈牙！牛油雜菌帆立貝啲姑好香牛油味，好滑！帆立貝背煮得啱啱好，爽身唔係淋哂嗰啲。煎餃子皮較硬身，入面啲料好足，好夠味。