飯意主題餐廳 (已結業)

朋友去過旺角間飯意覺得抵食又好食，所以今日去開深水埗就去深水埗飯意試下。因為早食飯嘅關係就唔洗等位，但食到中途都要搭枱，出面都幾多人等。飯意好似係出名食鐵板飯、芝士飯等。因為大家都係芝士控，所以就叫咗芝士熔岩蛋漿飯($52)，入面有泡菜同火腿片，上菜嘅時候會比埋一碗芝士同蛋漿，由侍應幫手撈勻。芝士同蛋漿都好夠，所以每一啖都好豐富。另外叫咗個煙三文魚蜆肉忌廉汁意粉($49)就麻麻地。忌廉汁唔夠入味同埋好淡，而且意粉入面夾雜住蜆殼碎，要好小心食。最近餐廳三週年紀念，所以小食有特價。我地叫咗一個芝士肉醬薯條($25)。有超多芝士同肉醬，我地認為佢係今餐最好食的。