影片
更多
2022-01-23
757 瀏覽
無得去旅行就會掛住第二個地方既食物，馬拉野一定係其中一樣最想飛去食既菜式，真係又平又好食！今次去左深水埗既蘇媽·蘇媽食馬來西亞菜過下癮先。去食得人氣餐廳都預少少時間排隊，不過通常好快有位，去到記得揾姐姐拎飛仔同齊人要揚聲！坐低左就一定要叫招牌既肉骨茶，只要最少叫一款肉骨茶，姐姐就會拎碗仔同碟仔過黎，然後幫同枱同行既客人都斟一大碗熱辣辣既肉骨茶，碟仔就係比客人自己加蒜蓉、辣椒、頭抽同黑豉油，調製自己鐘意既味道，一陣用黎點肉食。同新加坡口味既胡椒味唔同，馬來西亞口味既肉骨茶藥材味較重，但又有肉湯既味，飲啖補身肉骨茶真係成身都暖曬，跟住就可以食啲肉，今次叫左棒棒骨（$92），肉質好軟唔乾唔柴，有陣陣既藥材味，點埋醬食惹味啲。另外仲可以加白飯（$15）同油炸鬼（$18），送肉骨茶一流，飲完一碗仲可以叫姐姐再加熱湯，唔怕飲唔夠。（温提！記得！如果女士們月經期間就要盡量忍口唔好飲甘多，因為肉骨茶有當歸、川芎等藥材都係補氣、行氣活血，孕婦不建議食用，如果月經期間太補亦可能會血量大增唔舒服，除非你想要血的教訓，如果唔係就等過左先補。真係會嫁，唔好問我點解知🤦🏻♀️)辣死你嗎其實係由Nasi Lemak
今次去左深水埗既蘇媽·蘇媽食馬來西亞菜過下癮先。去食得人氣餐廳都預少少時間排隊，不過通常好快有位，去到記得揾姐姐拎飛仔同齊人要揚聲！
坐低左就一定要叫招牌既肉骨茶，只要最少叫一款肉骨茶，姐姐就會拎碗仔同碟仔過黎，然後幫同枱同行既客人都斟一大碗熱辣辣既肉骨茶，碟仔就係比客人自己加蒜蓉、辣椒、頭抽同黑豉油，調製自己鐘意既味道，一陣用黎點肉食。同新加坡口味既胡椒味唔同，馬來西亞口味既肉骨茶藥材味較重，但又有肉湯既味，飲啖補身肉骨茶真係成身都暖曬，跟住就可以食啲肉，今次叫左棒棒骨（$92），肉質好軟唔乾唔柴，有陣陣既藥材味，點埋醬食惹味啲。另外仲可以加白飯（$15）同油炸鬼（$18），送肉骨茶一流，飲完一碗仲可以叫姐姐再加熱湯，唔怕飲唔夠。
（温提！記得！如果女士們月經期間就要盡量忍口唔好飲甘多，因為肉骨茶有當歸、川芎等藥材都係補氣、行氣活血，孕婦不建議食用，如果月經期間太補亦可能會血量大增唔舒服，除非你想要血的教訓，如果唔係就等過左先補。真係會嫁，唔好問我點解知🤦🏻♀️)
辣死你嗎其實係由Nasi Lemak直譯既，係指椰漿飯，除左肉之外，通常仲要配青瓜、炸花生鳯尾魚仔、雞蛋同辣醬，蘇媽呢度仲有幾塊蝦片。辣死你嗎配仁噹牛肉（$62）造型好靚，彩色既排盤令人好有食慾，仁噹其實係加一堆香料既燉牛肉，有食咖哩既感覺但口感會柔和啲，唔會好辣好嗆。
招牌砂煲老鼠粉（$88）見到枱枱都叫個煲就跟風叫左，趁熱將窩蛋、肉碎、各種配菜同啲老鼠粉撈下，第一啖入口會覺得好香好滑，但再食就覺得有啲太甜同濃，太重黑豉油味。
最後壓軸嘅當然係馬拉名物：椰香咖央多士（$32）同海南鴛鴦燒麵包（$42），烘好既多士加埋香甜既咖央醬同牛油真係好邪惡，個人更鐘意蘇媽既燒麵包，黑色既麵包入口更脆更香口，入面仲要係一整塊既牛油，咬落口感好豐富，配埋拉茶（$24）最啱，蘇媽既拉茶會撞起左好多泡泡再送上比客人，好睇又好味，記得飲既時候要攪勻啲煉奶，如果唔係會越飲越甜。
如果係平日午餐時段黎，可以有優惠價加飲品，抵食啲，平日仲有外賣下午茶，下次再試！
馬來西亞拉茶
11 瀏覽
0 讚好
0 留言
肉骨茶湯
8 瀏覽
0 讚好
0 留言
辣死你嗎配仁噹牛肉
$62
42 瀏覽
0 讚好
0 留言
招牌砂鍋老鼠粉
$88
16 瀏覽
0 讚好
0 留言
椰香咖央多士
$32
8 瀏覽
0 讚好
0 留言
海南鴛鴦燒麵包
$42
24 瀏覽
0 讚好
0 留言
張貼
