天下茶屋 (福榮街)

營業中

休息中

早幾日同朋友出深水埗買野，經過呢間天下茶屋，覺得個名好熟但係又諗唔起係邊度聽過，後尾朋友提我呢個係大阪其中一個車站嘅名！就係咁我同朋友就決定要入去試下佢。呢度似乎係比較出名食丼飯，不過近來天氣咁熱我同朋友都比較想食小食多過丼飯，於是就叫了大量小食。首先沙律分別叫了蟹籽青瓜沙律同一口胡麻蕃茄，材料都算新鮮，尤其車厘茄去左皮咬落外皮軟軟內裏就爆汁口感有趣。木魚花胡麻冷奴豆腐我同朋友都最鍾意呢個汁煮茄子，茄子煮得夠冧又入味。熱食方面，我地要了個日式炒雜菜，材料豐富，炒出來唔油膩係清淡之選。另外單骨雞翼炸得香脆，味道有少許辣，食落夠香口。估唔到日本餐廳都會有奶蓋茶賣，我叫了杯沖繩海鹽奶蓋烏龍茶，奶泡食落綿綿的，而且芝士味配上鹹鹹地嘅海鹽好襯，底部嘅烏龍茶我叫了走甜，我特登無攪匀啲奶泡落茶度，食落無咁濟反而更清甜解渴。