隠家拉麵工場 (已結業)

日本既拉麵真係好好食，想喺香港食到真係要搵吓各區先有機會搵到間日本風味既。今次呢間我記得開業既時候係日本人打理既，不過而家就唔知，但味道就keep 到同之前一樣既。麵既硬度比較硬身，不過我比較鍾意食硬身既，所以okay ，仲有佢個湯，因為沾麵食完個麵最後加湯落去飲埋個湯既。我就食咗個隱世白伝既沾麵，入面有叉燒，白芝麻，蔥花仲有好香既蒜味，如果對蒜同蔥麻麻既就記得落單前要講定喇。提提大家，係要喺門口個自動販賣機買咗飛先至好入去啊。