古早牛肉麵 (已結業)

去深水埗買野通常都食文x車仔面，維x果啲，今次試下食其他野，行落少少就見到尼間台灣面，睇埋左右兩間，完全冇興趣!就你啦!鋪頭裝修簡潔，有大量舊式掛畫裝飾， 感覺良好。落左柯打冇幾耐就上到。飲一啖湯頭先，味道乾淨夠濃，只有好少藥材味，非常好我中意!👍🏻牛筋好入味，牛肉都係我中意嘅，口感軟熟有少筋留有少少牛騷味，麵有咬口，唔韌唔痴口，good呀!舊白蘿蔔居然係淋嘅添!真係唔中意唔得😍飲品就普通啦，我冇加錢轉其他台式飲品，只叫左鳳梨多多試下。香港台灣牛肉麵有好多間，尼間絕對係好食之一，會再黎