影片
更多
2023-05-28
33 瀏覽
深水埗近年搖身一變成為文青勝地，各式各樣嘅Cafe同bar林立☕️ 要喺度屹立不倒一定要有返咁上下實力💪🏻 Ohm...Cafe and Bar 行朝啡夕酒concept，日頭係文青cafe☕️ 夜晚就係型格酒吧🍸 除咗有明星KOLOR加持之外，食物同cocktail質素都好唔錯，難怪人流不斷🥰🌃 環境 (4.5/5)Ohm... Cafe and Bar離深水埗站A2出口大概3-4分鐘步程，附近都有唔少酒吧同餐廳～ 餐廳帶有滿滿嘅工業風格，設計感強烈😎 水泥牆身，霓虹燈管，冷色偏暗嘅燈光令餐廳感覺型格又新潮🤩😋 食物 (4.5/5)🐙 唔係章魚燒賣 $58🍗 芝麻雞翼雞粒配麻辣醬 (Weekly Recommendation) $98🦀️ 清酒忌廉蟹肉紅蝦米扁意粉 $138🍝 明太子蟹籽意粉 $118🍹 St-Germain Spritz $98🍸 Passionfruit Oolong Tea Punch $108🥂 Guava Punch $108小食唔係章魚燒賣玩味十足🐙炸燒賣炸到外層脆脆地，再喺上面淋上章魚燒會用嘅燒汁，蛋黃醬同紫菜😆 味道真係好似食緊章魚燒咁，得意又好味😋Week
Ohm...Cafe and Bar 行朝啡夕酒concept，日頭係文青cafe☕️ 夜晚就係型格酒吧🍸 除咗有明星KOLOR加持之外，食物同cocktail質素都好唔錯，難怪人流不斷🥰
🌃 環境 (4.5/5)
Ohm... Cafe and Bar離深水埗站A2出口大概3-4分鐘步程，附近都有唔少酒吧同餐廳～
餐廳帶有滿滿嘅工業風格，設計感強烈😎 水泥牆身，霓虹燈管，冷色偏暗嘅燈光令餐廳感覺型格又新潮🤩
😋 食物 (4.5/5)
🐙 唔係章魚燒賣 $58
🍗 芝麻雞翼雞粒配麻辣醬 (Weekly Recommendation) $98
🦀️ 清酒忌廉蟹肉紅蝦米扁意粉 $138
🍝 明太子蟹籽意粉 $118
🍹 St-Germain Spritz $98
🍸 Passionfruit Oolong Tea Punch $108
🥂 Guava Punch $108
小食唔係章魚燒賣玩味十足🐙炸燒賣炸到外層脆脆地，再喺上面淋上章魚燒會用嘅燒汁，蛋黃醬同紫菜😆 味道真係好似食緊章魚燒咁，得意又好味😋
Weekly Recommendation係芝麻雞翼炸雞粒配麻辣醬🍗 店員話呢道小食好受歡迎，食落又真係好正🔥 芝麻雞翼大大隻，鹹香得黎肉質外脆內嫩又juicy😛 另外仲有類似鹽酥雞嘅炸一口雞🐔 蘸麻辣醬食好夾，餸酒一流啊🍻
除咗小食之外Ohm...Cafe and Bar都有幾款主食🍝 清酒忌廉蟹肉紅蝦米扁意粉蟹肉都幾多🦀️ 意粉好creamy不過就唔係好食得出清酒味，加埋紅蝦米幾惹味😚
明太子蟹籽意粉味道偏甜，質地極度creamy好邪惡😈 呢款最好幾個人share因為都幾滯🤣 兩款意粉味道有啲啲類似，個人覺得如果得2-3個人可以嗌一款試就夠🤏🏻
餐廳行朝啡夕酒concept，夜晚去就嗌返杯cocktail飲吓🍸 St-Germain Spritz用咗接骨木花同sparkling wine混入熱情果，檸檬🍋等嘅citrus fruit，入口好清爽解膩🍹 夏日必飲🔥
Passionfruit Oolong Tea Punch 用Vodka做base再加入烏龍茶同熱情果🍸 同St-Germain Spritz都一樣帶有熱帶果香，不過呢款cocktail茶味突出，飲落都幾有層次👍🏻
Guava Punch就以白提子同新鮮石榴做主調，提子味幾香甜🍇 飲落係3杯果味最甜嘅一杯，女仔好啱飲😚
💰 價錢 (5/5)
Average price $280-$300/pp
Ohm...Cafe and Bar 有得食有得飲又有得打卡，人均消費都係大約$300💰 性價比極高，會再回訪🥰🥰
張貼
