石之牛石板日式料理 (已結業)

今次係深水埗搵到間街坊餐廳專賣石板燒肉;-)價錢真係街坊價，又包熱飲、任食沙律、餐湯、白飯任裝🤣整體環境係舒服，有D日式feel，地下乾淨唔油淋淋，而且冷氣都好夠，啱晒而家嘅天氣！入去先點餐再去自助bar嗰度拎野食好方便～鐘意食幾多拎幾多—————————————————————📍 石之牛石板日式料理地址: 深水埗元州街153號新元州大廈地舖✍🏻/食評/◍西冷牛扒200G大大塊西冷牛扒上檯時係1成熟,可以根據自己嘅口味決定燒到幾多成熟🤜🏻油花唔算特別多不過油脂分布均勻，肉質軟腍，重牛香味！◍肉眼牛扒 200G肉眼比較厚身少少，附送一塊牛油方便繼續燒，肉眼油脂比較少但牛味重，肉質比西冷爽口！附送嘅粗薯條同粟米都熱辣辣好好味！