秘撈王

營業中

休息中

在深水埗黃金商場買了遊戲機和最新的遊戲，攞車之際，見到路邊的外賣撈麵小店，狀甚吸引，順道買點外賣回家邊玩邊食！麵底$29，餸$10，汽水$5。即是兩餸麵連汽水$44有交易！蒜香醬粉絲粉絲彈牙兼份量十足，蒜香醬十分惹味！沙嗲醬冷麵，超給飽肚，炎夏開胃之選。招牌靚餸我選了三款：沙薑浸雞翼；滷水牛筋；昆布豬頸肉。朋友選了日式肥牛和香煎雞扒。牛筋煮得超級軟諗，拍得住牛腩專門店的出品！豬頸肉亦十分爽口。老闆極力推介新出配菜：沙薑煎雞翼，以沙薑汁煎香的雞翼外皮，微脆入味，不錯！夏日炎炎，可樂沙冰透心涼。柚子檸檬沙冰，夠味甜入心。