影片
更多
2024-09-07
5652 瀏覽
呢日嚟咗深水埗搵食，意外發現呢間親民西餐廳，價錢相宜得嚟，食物仲要係由前任五星級酒店大廚主理㗎😎黑松露炒滑蛋配芝士和牛漢堡包漢堡包嘅餡料非常豐富，又一層黑松露炒蛋，黑松露嘅味道香氣撲鼻🍳 另外入面仲有芝士同埋和牛漢堡扒，和牛漢堡幾Juicy嫩滑，有軟綿綿嘅質感🐮當然唔少得嘅係蕃茄、青瓜同埋生菜呢啲配料。呢個漢堡包嘅伴碟配咗薯條同埋沙律，薯條仲係我最鍾意嘅粗薯條🍟肉醬千層麵呢個千層麵嘅肉醬同麵條嘅比例唔錯，有白汁，肉醬，芝士同麵條間住間住🧀 仲可以做到拉絲效果🤤 汁燒牛脷呢個小食性價比好高，牛脷好軟腍，一份有四件厚切牛脷👅 醬汁略帶點鹹味，同牛脷好夾，個人認為鍾意食牛舌嘅朋友一定要試吓👍🏻法式鵝肝多士一份有兩件，底下嘅多士係香草軟包，食落口唔算好硬，配埋煎得金黃嘅鵝肝，入口creamy，真係好有幸福感☺️ 加上有少少黑醋，更加可以解膩。巴斯克芝士蛋糕可以用優惠價$22加配蛋糕，呢日都有七至八款手工蛋糕可以揀。我哋就揀咗巴斯克芝士蛋糕，口感幾rich，味道又唔會好甜🍰飲品芒果沙冰，一杯份量充足，適合夏天嘅飲品🍧 菠蘿乳酸梳打，味道酸酸甜甜，幾開胃🍍食完先發現原來餐廳唔駛俾加一，真係高性價比到
呢日嚟咗深水埗搵食，意外發現呢間親民西餐廳，價錢相宜得嚟，食物仲要係由前任五星級酒店大廚主理㗎😎
黑松露炒滑蛋配芝士和牛漢堡包
漢堡包嘅餡料非常豐富，又一層黑松露炒蛋，黑松露嘅味道香氣撲鼻🍳 另外入面仲有芝士同埋和牛漢堡扒，和牛漢堡幾Juicy嫩滑，有軟綿綿嘅質感🐮當然唔少得嘅係蕃茄、青瓜同埋生菜呢啲配料。呢個漢堡包嘅伴碟配咗薯條同埋沙律，薯條仲係我最鍾意嘅粗薯條🍟
肉醬千層麵
呢個千層麵嘅肉醬同麵條嘅比例唔錯，有白汁，肉醬，芝士同麵條間住間住🧀 仲可以做到拉絲效果🤤
汁燒牛脷
呢個小食性價比好高，牛脷好軟腍，一份有四件厚切牛脷👅 醬汁略帶點鹹味，同牛脷好夾，個人認為鍾意食牛舌嘅朋友一定要試吓👍🏻
法式鵝肝多士
一份有兩件，底下嘅多士係香草軟包，食落口唔算好硬，配埋煎得金黃嘅鵝肝，入口creamy，真係好有幸福感☺️ 加上有少少黑醋，更加可以解膩。
巴斯克芝士蛋糕
可以用優惠價$22加配蛋糕，呢日都有七至八款手工蛋糕可以揀。我哋就揀咗巴斯克芝士蛋糕，口感幾rich，味道又唔會好甜🍰
飲品
芒果沙冰，一杯份量充足，適合夏天嘅飲品🍧 菠蘿乳酸梳打，味道酸酸甜甜，幾開胃🍍
食完先發現原來餐廳唔駛俾加一，真係高性價比到嘩一聲🤩 難怪咁多人喺門口等位啦 。
張貼
