全記雲餃

營業中

休息中

工作需要過了去深水埗買嘢，見到有間門面新淨的水餃店就入去開餐。🔸花旗參石斛燉烏雞入秋後成日去找燉湯來滋補身體，呢度有五款燉湯選擇，今次嗌了花旗參石斛燉烏雞，花旗參清熱解毒、石斛能滋陰清熱護肝明目，燉湯足料，絕對適合長期精神唔夠的我。🔸鮮蝦鮮肉湯雲吞有八粒配上湯，每粒都有原隻鮮蝦和新鮮豬肉碎喺入邊食落去好新鮮彈牙滿足。🔸呢度有六款水餃選擇，可以選湯餃和煎餃，今次選了雙拼煎餃：蘿蔔木耳鮮肉餃和白菜鮮肉餃，肉餃飽滿味道恰可，可配上節醋或豆瓣醬。煎餃等左差唔多十分鐘，問服務員先知原來係新鮮生煎，所以下次要食記得先落煎餃order先。🔸 呢度有自助斟水和免費自助小食：辣蘿蔔 、花生；有豬腳薑、米糭、牛腩飯、西多士或糖水，仲有早餐同下午茶供應，餐廳冷氣都夠，座位多，乾淨企理，另外可以買生餃返屋企煮。