越湯

營業中

休息中

招牌火車頭日本和牛湯河粉濃郁牛肉湯底上面有好豐富配料，牛肉係日本A5生和牛肉，油脂分佈均勻，肉質嫩滑。手打牛丸爽滑彈牙，牛筋，牛柏葉，牛𦟌軟嫩筋道，有咬口，性價比高，必試。另外以優惠價加配蔗蝦，鮮甜香口，超值得一試。越式小食拼盤有米紙春卷、蝦餅、扎肉、雞翼、豬頸肉等，選擇多，份量感十足，炸得好香口惹味，點埋醬，同朋友一齊食，超推薦。蒜香牛油雞翼，酥脆可口，蒜香味包裹嫩滑嘅雞肉，推薦一試。串燒拼盤有豬肉卷、豬頸肉、雞肉、牛肉各一串，肉質鮮嫩，個人偏好豬肉卷和雞肉～落霞：好夢幻，底層係士多啤利醬，配合碟豆花、梳打水，好清爽解膩～熱越南滴漏咖啡：食越南嘢不可少得嘅飲品就係滴漏咖啡，好香純，又可以體驗越南的飲食文化。整體上餐廳環境乾淨別緻，適合打卡。食物色香味俱全，性價比極高，係深水埗越南美食中我的首選名單。