嚐味 (已結業)

同朋友想即興食雞煲打邊爐，見到呢間好光猛，價錢又平幾抵食咁，就做一次勇者。店內枱與枱之間空間都幾多，唔算好迫，整體都好乾淨。🐔重慶雞煲 + 任飲任食邊爐 $188以蒜、洋蔥同辣椒爆香咗，再加上雞煲醬，香噴噴即刻就食得。有留意爐頭，都冇啲萬年油漬，清潔算係好仔細。雞件好滑，雞皮炒得好香，配菜洋蔥都好甜。原來加$20就可以無限任添，不過大家想打下邊爐就冇咁選擇🥘鴛鴦鍋 (椰子雞湯&麻辣湯)湯底當然要一辣一唔辣，椰子雞湯夠清香，麻辣湯夠過癮！基本邊爐食材都齊，竟然仲有牛骨髓，出面真係好難搵到～特別推薦牛栢葉，出面好多都係普通料，成日都咬到牙骹軟，但呢間既好爽，好新鮮，本身就係牛栢葉狂迷嘅我哋叫咗好多碟😳其他料都好新鮮，一份就係一份，唔會有時上上下因為怕你食唔晒，就縮小份量。今次性價比真係極高，$188包晒雞煲同任食邊爐，一班朋友平平地一齊吹住水食下都唔錯，飲品種類又多，格局都舒服。