茶屋町 (長沙灣道) (已結業)

深水埗一向好多忍世食市，而且性價比一向好高。 今日同朋友去完黃金買電腦野之後，就選左呢間係附近的日式料理店。店入面裝修好簡單，但坐得好舒服。 咁我同朋友就分別叫左個燒豚肉丼和 芝士唐揚雞肉丼。 另外就二十蚊就可以轉大盛，而且有天婦羅，鰻魚 和溫泉蛋。 非常超值。燒豚肉丼豚肉燒得好香，邊位又帶脆，而且份量好足，豚肉厚又多，鋪到成碗飯度。配埋碗大大份既珍珠飯，軟綿綿又香又彈牙，真係好滿足。芝士唐揚雞肉丼都好大份量，芝士唐揚雞肉成個碗咁滿，芝士同沙律醬，配埋炸雞的香味，真係好搭。 一啖芝士雞肉，一啖飯，又唔會好溜。鰻魚天婦羅額外加二十蚊配送的菜，份量比較迷你，但可以試多樣野，天婦羅外表炸到金黃香脆，鮮蝦肉質新鮮彈牙，好食。鰻魚好Juice, 額外加料配飯，好開胃。溫泉蛋好正既日本溫泉蛋，微溫，有少少醬汁加味，一口半隻溫泉蛋，爆蛋汁真係好味。整體性價比好高的餐廳，而且環境幽靜，可以帶朋友過來傾計同嘗試既好地方。