麗港軒潮菜館 (已結業)

寫呢個食評,唔係為咗出啖氣,而係想其他準備一家大細諗住去呢間嘢試吓"私房菜"嘅朋友唔好重轁我嘅覆轍.今晚黎食呢餐係團年飯,由於有老有少又有素食者,一早已喺電話booking時講清楚人數,因佢地係當自己係私房菜咁按人頭收錢.由於菜單冇素食選擇,所以已喺電話中agree唔計一位而到時另叫.佢地冇任何confirmation,話電話就作實,結果......當然係唔啱數,拗一輪後仲比一位疑似老板娘鬧話我地食嘢唔數件數,實在坦白講,我喺香港一家人出外食嘢從來唔會數有幾多件.事情至此,唔好講佢嘅食物普通(甚至過咸/甜),今時今日用咁嘅態度對食客已經唔可以接受.(仲要係團年飯)真係想比10個劉華佢請佢檢討自己嘅服務及管理. 私房菜絕對唔係咁做架,你估按人頭收費就係咩 至於食物,我地叫咗荷包鱔湯(太咸),芹菜沙孟(鞋+咸),"老"水鵝+豆腐(ok),金不換焗蟹(淡),豉油煎蝦(ok爽但冇咩味),綠豆春卷(怪怪地),莞茜燒雞(ok但太肥),菜葡蛋(冇咩菜葡),綠豆爽清心丸(冇咩清心丸),菜(家人話冇味),反沙竽(太甜)至於order咗嘅素食菜式全部冇黎(黎過碟有肉叫佢換,一去冇影啦) 結論係四個