見見面 (琉璃街) (已結業)

今日淺嚐四川菜，涼菜小吃點了蒜泥白肉及手撕茄子，另外再點多左一個四川酥肉。主食就叫左肥腸酸辣粉，再叫埋胡椒豬肚雞煲。蒜泥白肉都唔錯，蒜蓉夠香一片肉拼一片青瓜真係啱晒做餐前小食。手撕茄子幾唔錯，個汁好味。四川酥肉就一般，感覺就好似椒鹽鮮魷咁，可能可以叫做椒鹽肉片都ok，入口比較油膩，如果配個酸甜汁可能會好食啲。肥腸酸辣粉嘅肥腸其實又唔係真係好腸，唔會一口都係脂肪，個酸辣粉好好食，d花生同芫茜真心正。胡椒豬肚雞煲都好食，雞新鮮而且豬肚無臭味，個湯都好正，係嫌佢唔夠胡椒味，如果佢個胡椒味再重手d應該會更加好食。