笑酤和味炭燒 (The Pulse) (已結業)

淺水灣笑酷就正正在沙灘旁邊，環境清優夠relax, 餐廳正中間就係師傅燒串燒既地方，一條條好大既備長炭，食串燒更有火喉！蟹子沙律，清新清爽開胃前菜，蟹籽粒脆卜卜，青瓜絲，蟹棒絲都幾多份量，好清新夠爽。火山卷，蛋黃醬好夠多，完全包圍住壽司，呢款壽司感覺似有韓式風格，飯粒較為軟糯，内層有炸豬扒，肉質都幾鬆化唔乾身。而且賣相都幾靚！免治雞肉棒，蛋汁夠香甜mix埋醬汁都有風味，雞肉外脆内軟，亦帶有軟骨口感。日式炸雞，炸到酥脆内層都keep到幾多肉汁，一份都幾多舊"幾抵食。和牛炒飯，炒得夠乾身而且無乜油，飯粒分明夠香口，和牛肉粒都食出高質，幾有個性既味道。