影片
更多
2018-05-10
917 瀏覽
金鐘添馬公園成為假日郊遊熱點， 有藍天、草地、大海， 係大人細路、家庭聚會、拍拖、打卡熱點。唔講唔知， 喺旁邊嘅中信大廈仲有好多好靚嘅餐廳。 啱啱嘅假期， 就同另一半去咗添馬公園野餐， 再搵間靚靚嘅西餐廳， 黎慶祝一下週年紀念。今次揀嘅係一間英式餐廳《Brick Lane》，餐廳裝修簡約得黎帶點英倫風， 仿磚牆身上面掛住英式單車， 令人感覺輕鬆。餐廳主打英國菜以及All day breakfast， 仲有一個小酒吧， 方便打工仔放工之後happy hour輕鬆一下， 忘卻一下壓力。【Truffle Fries 】$78， 薯條即叫即炸， 可謂熱辣辣、脆卜卜。 而且分量又夠大， happy hour用黎佐酒就最適合不過。 黑松露加入咗喺沙律醬裏面， 除咗點茄汁之外，呢個黑松露沙律醬味道亦非常突出。由於K先生點咗手工啤酒， 所以就叫多咗一個較為香口嘅小食【Nachos with beef mince】 $128， 墨西哥粟米片上面灑上大量嘅車打芝士同巴馬臣芝士， 放入高溫焗爐裏面烤焗。 溶化咗嘅芝士成拉絲狀態，帶有鹹香，非常美味。 蕃茄莎莎味道清新， 加埋特製嘅牛油果醬，酸酸味味，令人份外
唔講唔知， 喺旁邊嘅中信大廈仲有好多好靚嘅餐廳。 啱啱嘅假期， 就同另一半去咗添馬公園野餐， 再搵間靚靚嘅西餐廳， 黎慶祝一下週年紀念。
今次揀嘅係一間英式餐廳《Brick Lane》，餐廳裝修簡約得黎帶點英倫風， 仿磚牆身上面掛住英式單車， 令人感覺輕鬆。
餐廳主打英國菜以及All day breakfast， 仲有一個小酒吧， 方便打工仔放工之後happy hour輕鬆一下， 忘卻一下壓力。
【Truffle Fries 】$78， 薯條即叫即炸， 可謂熱辣辣、脆卜卜。 而且分量又夠大， happy hour用黎佐酒就最適合不過。 黑松露加入咗喺沙律醬裏面， 除咗點茄汁之外，呢個黑松露沙律醬味道亦非常突出。
由於K先生點咗手工啤酒， 所以就叫多咗一個較為香口嘅小食【Nachos with beef mince】 $128， 墨西哥粟米片上面灑上大量嘅車打芝士同巴馬臣芝士， 放入高溫焗爐裏面烤焗。 溶化咗嘅芝士成拉絲狀態，帶有鹹香，非常美味。 蕃茄莎莎味道清新， 加埋特製嘅牛油果醬，酸酸味味，令人份外開胃。 呢個nachos特別加入咗墨西哥酸辣椒， 醃製咗嘅酸辣椒會太辣，大有微微酸辣感覺， 令整個Nachos更具墨西哥火辣風味。
主菜之一【Crabmeat Marinara Angel Hair】 $178， 平時食意粉好鍾意食angel hair， 因為貪佢夠細緻， 入口更加細滑。 但angel hair嘅烹調需要拿捏得非常準確， 稍一不慎， 好容易成為糊口。 呢個蟹肉天使麵用上咗嚟自意大利嘅番茄醬， 番茄醬香甜而且帶有濃郁蕃茄味， 同新鮮嘅蟹肉相當之匹配。 蟹肉由蟹鉗拆出嚟，食落一梳梳， 味道鮮甜。
11 瀏覽
0 讚好
0 留言
5 瀏覽
0 讚好
0 留言
【Iced Green Tea Latte】 $48， 呢間《Brick Lane》除咗係餐廳之外， 仲係一間cafe， 呢杯綠茶Latte， 水準唔錯， 飲到濃濃嘅綠茶甘香。
10 瀏覽
0 讚好
0 留言
喺餐廳入門口仲可以見到蛋糕櫃 ， 裏面放咗多款賣相精美嘅蛋糕， 另一眾女士心心眼。
呢款【Chocolate Torte】 $54， 睇個樣就知道充滿朱古力感覺。 外面淋上朱古力醬， 裏面就係香濃嘅朱古力mousse，mousse口感滑溜， 最重要係甜度適中， 令人品嚐到可可豆那種甘味。
9 瀏覽
0 讚好
0 留言
26 瀏覽
0 讚好
0 留言
走嘅時候已經日落西山， 原來餐廳仲有戶外座，可以欣賞到中環夜色璀璨， 感覺浪漫。
25 瀏覽
0 讚好
0 留言
張貼
