海天堂 (已結業)

100926 星期日，得閒無事做，拎住張coupon，走去海天堂，買盅龜苓膏，一盅送一盅，承惠五十元，若果無coupon，唔係幾抵囉，店舖座位少，經常坐滿人，所以買外賣，唔駛等咁煩，見住個店員，原裝瓦燉盅，倒入外賣盒，好快就攪掂，不含防腐劑，所以三天內，要將佢食完，食落苦苦地，有啲甘甘地，加些少糖漿，味道好好多，食完一盅後，感覺很舒服，心理作用啩，偶然食一次，清理吓腸胃，都咪話唔好，但成五十蚊，一盅龜苓膏，有啲唔捨得。