百份百餐廳 (天平商場)

營業中

休息中

今日特派去上水坪輋做野，中午食晏其實都無乜地方可以去，次次食親都係係逸峯廣場架喇。平時時間比較足，同行人員比較多，所以來親都係去飲茶。今日由於時間緊迫，所以決定來間茶餐廳食個快飯。一行入來，佢個感覺係好乾淨，似係新裝修既，但個style 係想扮七八十年代既舊香港咁即。有啲似香港飯堂個隻。坐低睇左睇menu，想揀呢間餐廳主打既咖哩雞既，但由於呢排我岩去完個旅行肥左幾磅，就廢事再食啲咁高卡既野啦。所比最後都係戰勝左心魔，嗌左木耳蒸雞（雖然都多油，但心理上好啲）木耳蒸雞個飯係有黑色一點點，個啲唔係芝麻，係藜麥，好似真係好健康咁。咁份量方面呢，我個飯食剩一半。都算飽肚。仲送左杯熱飲。味道方面，佢係算清淡，無出面個啲咁重好味，不過油都係偏多既，無計。