一心素食 (已結業)

Green Monday 要陪大人食素，今晚揀咗喺觀塘工業區嘅一心素食，一心最近新加入日式西式餐單，今晚就即刻試試呢度環境同一般工廠大廈食堂分別不大，八點上到嚟都仲有好多人，地方好大，大班人可以坐一圍枱點十二人套餐食侍應介紹下，先叫個日本水果蕃茄沙律，用蘋果乾香蕉乾等日本水果乾，配沙律菜、橄欖油及黑醋調味，食落好清新，旁邊有啲不知名甜酸醬, 問吓侍應原來係巨峰提子醬，真係第一次見叫咗兩杯健康飲品-薑蜜蘋果汁同新鮮五青汁，今晚一於清清腸胃中式混醬炒時蔬辣辣地幾好味，有蓮藕加比較少見嘅萵筍，茄子再加三色椒豆腐，呢個菜尾都比較搶口味，用嚟送飯就非常適合雞尾酒杯溫泉蛋 - 賣相一流；一開始以為真係有酒，原來係啲日式調味汁；溫泉蛋非常軟綿綿，連埋啲日本調味汁一啖吞落去，好特別嘅日本菜式未飽肚，問侍應有咩介紹，佢推薦左新菜式中東小米焗素芝士蘑菇：一邊伴左啲中東小米，好有咬口亦都增加飽肚感，兩隻蘑菇焗得剛剛好，唔會太乾，如果再多啲芝士就perfect 了臨走前再叫多個甜品：白酒煮啤梨，睇落好似日式酒店buffet 嘅甜品, 有新鮮生果同忌廉伴碟，啤梨煮得夠淋，輕輕嘅酒味唔太濃，女士好啱食今晚菜單食落