大苑子 (圍方)

營業中

休息中

自從維圍方開咗之後真係多咗好多餐廳尤其是系手搖，女朋友好鍾意飲手搖，嗰日等佢收工就見到呢一間大苑子，佢新推出產品係酪梨布丁鮮奶 $42，牛油果+布丁+牛奶呢個組合簡直係女仔至愛，立即就買黎試下。牛油果嘅濃郁同布甸嘅香甜，加上鮮奶嘅口感順滑，整體味道非常豐富，我冇刻意叫少甜，正常甜度之下都唔會太甜，入口係天然的果香甜味，好符合而家的人覺得好飲即係“唔會太甜”。加入鮮奶之後令味道更細膩滑順，仲有帶有淡淡的乳香，呢杯真係幾好飲。我自己就叫左杯繽紛水果茶 $42，有5種水果+台灣百香果汁+台灣金桔汁。繽紛水果茶結合左唔同水果的組合，帶來多層次的果香，甜味自然，唔係d香精的甜味，飲得出好天然新鮮成分。。用左台灣百香果汁同金柑汁做base, 酸甜感非常突出，而且仲好清新，入口爽口溫潤，如果夏天飲更爽。