2084 (已結業)

中式素食就經常可以品嘗，不過近年西式素食都越來越多，早排經西貢出海前就發現到有間西式素食，於是就約媽媽一齊品嘗一下。由於媽媽比較喜歡早一點吃晚餐，所以大約下晝五點左右去到，所以坐位都好鬆動不用等。我同媽媽都不是大吃的人，所以點了三個特別嘅小食。先上到的是北京烤鴨夾，鴨就變了炸菇，口感幾等別，而且配咗海鮮醬，食落感覺真係好似食緊北京填鴨一樣！然後到煎餃子，餡料全是素菜，但食落都好鮮味！最後到咖喱配薯蓉波，咖喱汁好好味，味道好香，值得一試。