沛

營業中

休息中

見到門面走小清新路線，外觀非常新淨，額外有好感～店內亦有佈置嘅小心機，整個氛圍讓我有一點溫暖的感覺🥰由於每個項目都係即整嘅關係，所以菜式種類不算太多，可算是貴精不貴多！睇返每樣價錢都非常合理，抵食！天氣凍，食部隊鍋都係一個唔錯嘅選擇，不過係限定，真係要睇吓當日好唔好彩😂店員先擺放韓式該有的前菜，包括泡菜同芽菜，估計都係自家製嘅！除咗地道嘅飲品，當然都有唔少韓式飲品選擇，都係罐裝乾淨企理！韓式拌飯（牛肉）～食拌飯嘅精髓在於辣醬，店員已一早奉上，而當中每一樣topping都係非常惹味，而且有不同口感，拌勻後，一啖放入口，滿滿的滿足感🤟🏻迷你泡菜煎餅～一直以來食韓式泡菜煎餅都係扁平嘅，所以完全想像唔到係有呢個厚度，而且迷你嘅尺寸，唔需要刻意去切開，極為方便！口感方面更是意想不到！裏面嘅泡菜容量非常多，顛覆咗食韓式煎餅嘅感覺😝