開花結果 (榮吉工業大廈) (裝修中)

係佢未搬之前，都有一直幫襯開，舊舖比較細又比較舊，只有幾張檯，經常都大排長龍，後尾見到佢係隔離街開返間舖，舖位仲比以前大好多，新舖座位比以前多好多，裝修屬於簡約文青路線，環境舒適，依然係好多人黎幫襯，食物選擇比以前多，水準依然都係咁好。呢度出名係食沙律，不過今次一於試下其他野。香茅雞翼拉麵，配是日餐湯 $44 – 湯底係羅宋湯底，非常濃味，香茅雞翼好香口，拉麵都唔會太林，爽口的。荔枝角黎講，價錢算正常，都值得推介既。