一起果醬 (已結業)

之前都黎過呢間Let's jam, 好中意呢度既環境同埋裝修, 感覺好舒服, 有遠離煩囂既感覺, 所以今日再同朋友黎到下午茶~食物選擇多左, 我地2個人要左一個小食拼盤, 九宮格多士, 一杯黑糖薑母奶茶同青檸青蘋果果醬梳打~小食拼盤好大份, 賣相亦十分吸引, 包括炸薯角, 玫瑰蘋果醬單骨雞亦, 炸香草芝士條同黑松露溫泉蛋多士條, 另配芒果芥末醬~ $118有哂4款而且份量唔小, 係幾抵食既~ 炸薯角新鮮炸起熱辣辣, 而朋友就好喜歡玫瑰蘋果醬單骨雞亦, 單骨雞亦方便進食, 而且味道有有淡淡既玫瑰蘋果醬味, 幾特別~ 不過炸香草芝士條就有點太硬~而Vi就最中意黑松露溫泉蛋多士條, 黑松露味好香濃, 將多士條點落半熟既溫泉蛋漿好好味, 多士亦烘得好香脆九宮格多士係一份多士可以試到9款呢度出名既果醬, 每款都唔會太甜, Vi最喜歡係肉桂蘋果, 木瓜雪耳同埋桂花雪梨, 呢3種都係比較特別既口味, 而且食落好清新~飲品方面, 點左黑糖薑母奶茶同埋青檸青蘋果果醬梳打, 青檸青蘋果果醬梳打比黑糖薑母奶茶較為特別, 連飲品都用左果醬, 梳打味道好fresh好香青檸味, 好消暑解渴~就係咁Vi同朋友就過左