LC Tea水果茶專門店 (已結業)

第一次飲天水圍 LC Tea，揀咗梅香芭樂烏龍（大杯，$32）少甜少冰。新鮮芭樂打成碎，飲落有粒粒同椰果粒，好有口感，烏龍茶味淡淡滲出，夏天咁熱飲，好清新解渴。本身飲品唔算甜，少甜會淡味啲，第一次飲，可以選擇正常甜度。屋企人飲超級水果茶（大杯，$36），桃香烏龍茶底，水果新鮮好味，茶味夠，好少鋪頭可以有呢款桃香烏龍茶揀，比較特別。富士蘋果茉莉（大杯$32），正常甜，味道比較清甜，蘋果味清新，甜度剛好，唔需要少甜。