湯品小棧 (已結業)

假日好少屋企煮飯食，之前有朋友話食過呢一間米線有別於出邊嘅米線舖，所以就專程過黎大角咀試！對於一日三餐，經常都外出食飯嘅打工仔來講。真係好難得可以係街上面搵到一啲比較屋企味比較重啲野食，黎到真係好驚喜，估唔到呢一間小店居然攞咗米之蓮大奬，仲有好多人等緊位添。花雕醉雞蛋酒浸過嘅半熟烚蛋口感軟糯，淡淡的酒香，蛋黃入口即溶蟲草花燉湯好清澈，足料嘅燉湯，湯面見底，完全冇味精。好足料嘅住家湯口感，養生又清純嘅感覺牛肝菌醬撈米線同出面油淋淋，味精湯底嘅米線好唔同，呢度嘅味道真係唔知點樣形容！一啲味精嘅味都冇，但係就有淡淡的肉香味，果然係好特別，而且好健康嘅感覺下次都會再返黎，健康晚餐，依家喺街，真係好難搵得到。