影片
更多
2020-10-01
114 瀏覽
去旅行買手信最常見不過，但成間舖買返黎見過未？兩位女生遊走台中時無意中發現植作茶呢個健康飲品牌子，一試就愛上，仲將佢引入香港，係山林道開店。香港咁多台式飲品店，佢有乜咁特別呢？植作茶主打以台灣直送低溫烘焙豆類、穀麥類做茶底，無咖啡因，用鮮奶唔用奶精，岩晒追求健康或腸胃唔好嘅人。🍴黑糖桃膠決明子鮮奶 HK$32未飲過豆類、穀麥類嘅茶飲，所以叫店員介紹下，一講到決明子味道似咖啡，我就二話不說要試佢。味道真係同手沖咖啡有幾分相似，不過就較清新輕盈，因為有黑糖所以唔會好淡，桃膠都幾滑，有得咬下，無珍珠咁肥。🍴黑糖桃膠冬瓜混紅麥茶 HK$27冬瓜茶多數甜到死，但呢杯加左紅麥茶之後，甜味更加平衡，紅麥茶仲可以降火解膩添，呢個配搭唔錯。植作茶仲有好多唔同功效嘅飲品配搭，驚唔知飲乜的話去到問店員啦，佢地好樂意介紹。店內仲擺放左插畫、新詩等等本地作品，唔止有得飲，仲有得睇添啊。📍植作茶尖沙咀山林道10-12號山林閣地下2B號舖
去旅行買手信最常見不過，但成間舖買返黎見過未？兩位女生遊走台中時無意中發現植作茶呢個健康飲品牌子，一試就愛上，仲將佢引入香港，係山林道開店。香港咁多台式飲品店，佢有乜咁特別呢？植作茶主打以台灣直送低溫烘焙豆類、穀麥類做茶底，無咖啡因，用鮮奶唔用奶精，岩晒追求健康或腸胃唔好嘅人。
🍴黑糖桃膠決明子鮮奶 HK$32
未飲過豆類、穀麥類嘅茶飲，所以叫店員介紹下，一講到決明子味道似咖啡，我就二話不說要試佢。味道真係同手沖咖啡有幾分相似，不過就較清新輕盈，因為有黑糖所以唔會好淡，桃膠都幾滑，有得咬下，無珍珠咁肥。
🍴黑糖桃膠冬瓜混紅麥茶 HK$27
冬瓜茶多數甜到死，但呢杯加左紅麥茶之後，甜味更加平衡，紅麥茶仲可以降火解膩添，呢個配搭唔錯。
植作茶仲有好多唔同功效嘅飲品配搭，驚唔知飲乜的話去到問店員啦，佢地好樂意介紹。店內仲擺放左插畫、新詩等等本地作品，唔止有得飲，仲有得睇添啊。
📍植作茶
尖沙咀山林道10-12號山林閣地下2B號舖
張貼
