紅粉佳人 (已結業)

放工後約左朋友到油麻地食飯聊天，今次朋友帶我黎到呢間十分浪漫的西餐廳食西餐。餐廳環境十分浪漫，燈光有點暗十分岩情侶拍拖食飯傾計。餐包除了提供了牛油外還提供了吞拿魚醬，怕肥既女士可以試下吞拿魚醬，感覺沒有咁油膩。酥皮焗龍蝦湯&酥皮焗海鮮湯 兩款湯都是即叫即焗，上菜時都熱辣辣，揭開酥皮湯入面用料十足，湯味十分濃郁及幼滑。加上酥皮一齊食又有湯的濃濃海鮮味道又有酥皮的脆同埋煙韌十分可口。龍利柳伴烤海蝦配芒果杏仁忌廉汁($108)龍利柳煎得十分好，除了表面有少少焦香外，也好好咁鎖左肉汁係魚柳入面。再加上餐廳特配的芒果杏仁忌廉汁，除了帶了一點甜及酸的味道外還消除了煎龍利柳的油膩，有一股清新又開胃的味道。香焗意式香草煙三文魚海鮮天使麵($138)侍應幫我地剪開錫紙已經見到好多海鮮料係上面，用鍚紙可以保持到食物既溫度，同埋係焗既過程可以慢慢令食物變熟，肉質保持嫩滑，肉汁也可以好好地留在食物當中。天使麵十分淋及吸收左海鮮同埋醬汁既味道，十分惹味。